KOSZARZISKA W sobote 9 marca sie u gazdy Klimka na Koszarziskach spotkali bywali owczorze.
Nejprzód gazdowi ostrzigali owce, aby wiosne prziwitały w nowej fryzurze, a potym pospóminali na stare czasy, kiedy robili przi owcach w Płónej Dolinie na Koszarziskach.
– Zanim gazdowie wygnali owce na pastwe, musiały być feszne – pieknie ostrzigane, aby sie na łąkach podobały baranóm. U nas w Koszarziskach, nim sie owce wygnały na pastwe, se nejprzód zagnały do Kopytnej, aby sie wykómpały, aby była wełna czysto. A jak rzeschły, tak sie jich strzigało – spóminoł stare czasy Jozef Kożdoń.
Przi strziganiu sie też owce kontrolowało, czy sóm w dobrej kondycji, czy majóm kopyta w porzóndku, aby mógły aż do jesiynie szpacyrować po naszych beskidzkich gróniach.
Po robocie gaździno we starej chaupie nagotowała swaczyne. A gazda poczynstowoł.
Dziecka ku takimu świyntu prziszły zagrać a zaśpiywać.
Wiosna może prziść.
Komentáře
