ISTEBNA Na Istebnej w weekend przebiegnóm XXIII Dni Istebnej. Czynścióm bogatego programu, kiery organizatorzi w Amfiteatru pod Skocznióm przirychtowali, bedzie aji wybór nejpiekniejszi Gorolki.
Z Ochodzitej przez Skalite po Kozubową – takóm nazwe niesie tegoroczne świynto. W Amfiteatru pod Skocznióm (kónsek od Biedrónki – gdyby gdo by nie wiedzioł) sie Istebnianie bedóm bawić w sobote a w niedziele – wystympy, koncerty, kapele, atrakcje dlo dziecek a fajne jedzyni – na przikład placki z gulaszym, śmietónkóm, szpyrkami, piwo a miodula.
W niedziele od 15.00 bedóm wybiyrać nejpiekniejszóm Gorolke. Po binie przed komisyjóm bedóm szpacyrować w sukniach a w strojach ludowych szumne dziywczynta (do gromady ich bedzie 11) ni jyny z Istebnej, Jaworzynki a Kóniokowa, ale też od nas.
Zaolziańskóm stróne Gorolie bedóm u sómsiadów na Istebnej reprezentować Darina Gociek z Koszarzisk, Jola Niedoba z Jabłónkowa, Anna Onderek z Mostów a Johana Pazdera z Bukowca. Przijedziecie sie podziwać?
Komentáře
