GUTY W niedziele mieli w Gutach Dożynki Śląski. Loło jak z cebra, ale ludzie i tak sie prziszli podziwać na program a zjeść cosi dobrego.
Gospodarze dożynkowi Ewa Śniegoniowa i Jan Kopeć sie domówiajóm z Markym Gryczym z zespołu Oldrzychowice a z prezesym Koła PZKO Janym Kaletówm, jak to na Dożynkach bedzie wyglóndać.
Jednóm na zagrzoci, coby to dobrze grało a mogymy iść.
Dzieckóm ze zespołu Młode Oldrzychowice deszcz nie wadził.
Jejich młodsze koleżanki też kroczały w korowodzie bez mamranio.
Gazdowie jechali w kolasie.
A przed nimi szeł las parazoli.
Coby sie jim lepi szło, grała im orkiestra Mazańcowice z Jasiynicy.
Gazdowie dojyżdżajóm do Dómu PZKO…
… kaj na nich uż pod strzechóm czakała aji eszcze starostka Věra Palkovská (na dożynkach w Oldrzychowicach uż bedzie jako primatorka).
Obrzóndek dożynkowy pokozały dziecka z zespołu z Oldrzychowic.
Gazdowie sie rychtujóm czynstować dożynkowych gości.
Na szczynści w Gutach postawili zastrzeszyni, z kierego je widać na scyne.
A na scynie młodszo grupa oldrzychowickigo zespołu grała „Gdo sie boji czornego murzyna“.
A aji Ulijanke.
A to wiycie, że nejlepszy dómowy chlyb pieczóm w piekarszczoku w Dómu PZKO?
A to sóm piekne dziełuszki ze zespołu Forgatós z Madziar. Przijechali tu na tydziyń a możecie ich widzieć eszcze we czwortek w Trzyńcu na rynku a w sobote na Dożynkach w Oldrzychowicach.
Na scynie sie pokozali aj VIP, to je „moc ważni ludzie“. Nad czym sie tak starajóm, nie powiedzieli.
Ale jak dostali chlyb od prezesa Kalety, tak im zaroz było lepi.
Można sie cieszyli na jaksióm nagrode w loterii.
Albo, że zjedzóm fajny obiod w Dómu PZKO.
Ale i tak nejwiynkszóm radość miały dziecka z kałuże.
Tak pieknie tańcowoł zespół z Błyndowic.
A co eszcze było pieknego w Gutach na Ślónskich Dożynkach? Podziwejcie se do naszej fotogalerie:
Komentáře
