MILIKÓW Na Milikowie, choć ze spóźniynim, też obchodzili świynto kobiet. Jak sie już stało tradycjóm, to chłopi z Klubu Seniora zorganizowali dlo swoich połówek z okazji ich świynta miłe popołedni.
Sami uwarzili kawe i herbate, sami jóm aji rozniyśli.
Nagotowali ku kawie cosi dobrego.
Prezes Stanisław Kantor – główny motor całej akcji, wszyckich pieknie prziwitoł.
A potym już na scene prziszli Kamraci z Błędowic.
Prziwiyźli ze sebóm aji szwarne kamratki w szumnych strojach śląskich, aby jim kapke pumógły ze śpiywanim.
Zaśpiywali przepiekne pieśniczki tam z dołów,
przeczytali aji śmiyszne opowiadania.
Wszystkim sie moc podobało, panie se kapke odpoczły od codziennych starości.
A prezes na zakończyni tymu doł koróne:
„Dziś dzień kobiet, drogie panie,
tysiąc kwiatów na śniadanie,
a od jutra do roboty,
bo to już świętują chłopy,“
Komentáře
