Na Kozubowej
Na Kozubowej, jak tam tóm kaplym postawili, tóż każdy rok tam łodpust robili. Ale tóż co. Tam nie było ani sklepu, ani niczego. Tóż ludzie, co szli na tyn łodpust, mieli głód. Nie było co zjeść. Z daleka prziszli a mieli głód.
Mie to roz nasmoliło i szłach do piekorza, i wziynach do takigo wielkigo kosza, coch jyny mógła łuniyść. Dałach napiyc taki wielki chleby a też tych bułek. Jako to kiejsi były ty bułki taki łokróngłe. Nabrałach tego, coch jyny mógła, i wórsztu też jech wziyna do taki taszki łokropnej, pod karkym zawiónzała i smycziłach to, dyszałach, dziwiłach, bo tam cesty nie było do tego kopca. Jidym, jidym po piesku, rozmajcie, alech to doniysła. Tak jech ku tej kapliczce prziszła i straszniech rzykała, żech je tako silno, że sie mi to tak tam dobrze wyniysło. Spoczynach se. Tu sie ludzie zhyrkli: „Jej, chwała Bogu. Tu jakosi babka prziniysła chleba, wórsztu”. Jo tam wogów ni miała, ale nożiczek jech ze sebóm wziyna, i tak jakoch mógła, łukrowała tymu kapkym, tymu kapkym. No i podzieliłach. No i teraz co.
Ty chleby to jech porozdowała, ale ty bułki były małe, łokróngłe, i wszecko sie mi to z tego kosza wysuło, i kulało sie to dołu tymi jałowcami, tymi gaciokami. A tyn jedyn chlyb też. Jo prawim: „Jo to tak procnie hore wyniysła, tóż łuż sie nie dziwóm tymu starymu mamlasowi, tymu chlebowi, dy je wielki, ale tym małym mamlasóm, że sie tak kulajóm po tych gaciokach”.
Ale byli tam tacy młodzi, dziełucha z jakimsi synkym, że ty bułki bedóm zbiyrać, ale łuni tam bułki niechali, a tam sie po gaciokach miłowali.
O autorce vyprávění: Anna Chybidziurowa se narodila v Bukovci na sklonku panování císaře Františka Josefa I., 26. července 1898 ve dvoru u Wocławků (Wocławky). Rovněž její rodiče pocházeli z Bukovce, otec z osady Malinky, matka Marie rozená Ćmielová z Markova. Její vypravěčské nadání obdivovali všichni od Hrčavy po Bukovec.
Děkujeme autorovi publikace Karolowi Danielowi Kadłubcovi a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Opowiado Anna Chybidziurowa. Publikaci (již II. vydání) lze zakoupit v regionálních knihkupectvích.
Komentáře
