łO złotej rybce
Jedyn rybiorz był a łogrómnie mioł złóm babe. Co nałowił, to wszecko dlo
ni było mało. I roz nic nie nałowił. Jak szeł na trzeci dziyń, łuna mu padała: „Jak
nie prziniesiesz nic, tak cie zabijym. Dyć łod głodu poginymy”.
I łun szeł, i chycił złotóm rybeczkym. A ta rybka: „Puść mie nazod do wody.
Jo ci bedym na pómocy. Jyny mie puść”. I puścił jóm. A łuni mieli chałupiacko
biydne i świniym. Wiyncej nic. No i prziszeł, zaś nic nie chycił. Że chycił jednóm
złotóm, ale puścił jóm, bo go łokropnie pytała ludzkóm mowóm, a łobiecała mu
pómogać. – „Ty dziadu, ty żeś móg nie puścić, aż by ci postawiła pałac jaki, a jo
cobych jyny rozkazowała. A ty byś był mój słóga”.
No i zaś szeł ku tymu morzu. Przidzie: „Rybko, rybeczko, pómóż mi. Bo ta
baba straszne dziwy sy mnóm robi. Ni mogym wydyrżeć w chałupie. Chce pałac
a słógów, a kany co”. – „Idź, mosz!” Prziszeł du dómu, ło chałupce ani słychu,
ale pałac. – „Nó łużeś teraz kóntyntno?” – „Ale to eszcze ni ma wszecko. Mie sie
muszóm wszecy kłaniać a łobsłógować. Jo nic nie bedym robić”.
Szeł i zaś pyto: „Idź, mosz!” Jej, słógów było. łUż jóm nosili aji na strónym.
Wszecko mało. Jeszcze chce mieć szumniejszi pałac, co łuż żodyn taki ni mo.
I zaś łuż aże płakoł: „Rybeczko, źle mi na sumiyniu, ale musioł jech tu prziść,
boby mie zabiła”. – „Idź, uż mosz!” Prziszeł, a tu chałupa staro i to korytko dlo
świnie. – „To mosz zopłatym teraz za to, jakoś sie pyszniła”.
I łuna w starych handrach, kyrpce na nogach. Jesi to diabelstwo eszcze żije,
nie wiym.
O autorce vyprávění: Anna Chybidziurowa se narodila v Bukovci na sklonku panování císaře Františka Josefa I., 26. července 1898 ve dvoru u Wocławků (Wocławky). Rovněž její rodiče pocházeli z Bukovce, otec z osady Malinky, matka Marie rozená Ćmielová z Markova. Její vypravěčské nadání obdivovali všichni od Hrčavy po Bukovec.
Děkujeme autorovi publikace Karolowi Danielowi Kadłubcovi a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Opowiado Anna Chybidziurowa. Publikaci (již II. vydání) lze zakoupit v regionálních knihkupectvích.
Komentáře
