Jewka Trzynczanka: Bal maskowy
W Piosku był bal maskowy a my były trzi kamratki, dwie Hele a jo. Było porym roków po wojnie i była biyda ło piekne łobleczyni. Garderobym sie ale dało pojczać w ciesińskim teatrze. Tóż my tam pichły i pojczały łobleczki aji peruki na baróna i dwie barónki, jednóm starszóm, drugóm młodóm. Barón mioł czyrwóne pómpki z kućkami a biołe podkolanki a ku tymu jupkym z koszulóm. My barónki miały kabanie z drótami w pasie jako łosy. Jak my wlyzły do gospody u Łabaja, to to miyndzy ludziami aż zaszumiało. Porwisko do tańca my miały ło żiwot a aji barón wywijoł. Czas uciekoł i naroz blankło. Północ. Ze zolu już nie szło uciyc, dżwiyrze były pozapiyrane. Barón Hela chynył hasło „hajzel”, tóż my wio za nim. Był gipki. Skocił na dynko, to podskociło i wyleciało na mie. Barón skielznył do wybetónowanego sikmego koryta, kaj były na gazetach pozostatki po balownikach. Starsi barónce strzelił drót w krynolinie i dziubnył mie do dupy. Barón był szprajcnióny w gu… Jo miała na peruce dynko aji z gazetóm. Woda w pacharzinach łod śmiychu popuściła. Sumeryja! Syncy wysadzili dwiyrze z bantów i z całóm krasóm nas wycióngali z budoaru. Ludzie nóm zrobili szpalyr, śmioli sie do rozpuku i aji nóm klaskali. Do nas do dómu to było nejbliżi. Na polu dwacet piyńć pod nulóm. Barónowi wszecko na podkolankach przimarzło. Mama, jak nas taki trzi biydoki uwidziała we dwiyrzach, to nóm najpiyrwej naloła do półkwaretki gorzołki a potym ciepłej wody ze solóm do żbera na zmazane szróty. Wszecko sie ciściutki wróciło do teatru. Dzisio by sie to stać ni mógło, bo hygienikami by migło, dyby jeszcze kaj taki hajzlik w gospodzie widzieli.
O autorce: Eva Szczerbová, rozená Suszková, se narodila 17. září 1938
v Písku u Jablunkova. Její matkou byla lidová vypravěčka Marie Suszková, známá
jako Chraścinka z Pustek. Ve svých patnácti letech začala pracovat v železárnách v Třinci, kde byla zaměstnána až do roku 1994. Pravděpodobně i pod vlivem své matky se začala poměrně brzy věnovat také psaní. Nejprve psala tzv. do šuplíku, od roku 2007 publikuje pod pseudonymem Jewka Trzynczanka.
Děkujeme autorce a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Jako sie tyn żiwot zmiynio, kterou lze zakoupit v regionálních knihkupectvích.
Komentáře
