Jak bedóm psy szczekać
Roz był chłop z babóm, ale baba łumrziła, a zostało dziecko malutki. A łun sie łożynił. Nó i chłop ni może być dłógo sóm, bo trzea prać, trzea warzić, trzea wszecko.
Tak łun co. łOżynił sie. A ślubowała za swobody dziecko na rynkach nosić. Góniła a łopatrzowała go tak z tydziyń. A za tydziyń po ślubie ho, dziecko zaniedbane, leżi nieumyte, wrzeszczi. Aż tu naroz w nocy rożnie światło, baba sie dziwo, a tu ta nieboszczka, bo jóm znała, wodym nosi, waniynkym prziniesie, kaszym smażi dziecku, a łuna sie dziwo, a nie wydycho, a na chłopa ni mógła ani sióngnyć, bo sie boła, że dy to duch, tak jóm łuwidzi. No tak dziwała sie. łOkómpała dziecko, najeść sie mu dała, łułożiła do pościele, zgasiła, poszła. Na drugóm noc to same. Zaś to same robiła, a łuna sie boła chłopu powiedzieć, boby jóm był znieważowoł, że to może tak robić jako łuna. Bo łun robił na polu, a nie wiedzioł, co dóma je. Ale na trzecióm noc uż ani chłop nie społ.
Naroz światło sie rożnie, łun sie dziwo: „Moja baba. Co to? Jeżiszmaryja!” Boł sie, strach na
niego prziszeł. Ale łuna nosi wodym i nalywo, i grzeje, i kładzie łogiyń, i kaszym smażi, i dziecku dowo pić, i dowo jeść, i łokómpie go, i powije pieknie, i łułożi do kolybki, i zakolybie, dziecko spi. Ale łuna też nie spała, a łun ji pado: „Tyś sie dała za matkym, ale poczuwej, jak bedóm psy szczekać, a jak nie beesz robić tak, jako widzisz, to łuż możesz łuciekać”.
Na drugi dziyń dziecko było łumyte, kómpała go, jeść dowała, wszecko nejlepszi,
bo strachu miała pełne piynty. A wiyncej mortwo nie prziszła. łUna, torba,
se to pamiynce do dzisia.
O autorce vyprávění: Anna Chybidziurowa se narodila v Bukovci na sklonku panování císaře Františka Josefa I., 26. července 1898 ve dvoru u Wocławků (Wocławky). Rovněž její rodiče pocházeli z Bukovce, otec z osady Malinky, matka Marie rozená Ćmielová z Markova. Její vypravěčské nadání obdivovali všichni od Hrčavy po Bukovec.
Děkujeme autorovi publikace Karolovi Danielovi Kadłubcovi a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Opowiado Anna Chybidziurowa. Publikaci (již II. vydání) lze zakoupit v regionálních knihkupectvích.
Komentáře
