GRÓDEK Noworoczny turniej w ping-pongu na Gródku wygroł – tak samo jako przed rokym – Krzysztof Martynek.
W Gródku zaczynajóm nowy rok wdycki na sportowo – w restauracji U Burego sie gro turniej w ping-pongu. Przy współpracy z urzyndym gminnym go organizuje miejscowe Koło PZKO. W sobote grajóm dziecka, w niedziele dorośli.
W głównej kategorii po drugi za sebóm wygroł grocz Trzyńca Krzysztof Martynek, tak samo jak w ubiegłym roku w finale poraził Radima Urbanca z Czeskigo Cieszyna.
„Krzysztof je prostě lepší. V příštím roce ho snad zavřu ve vlaku a pojede až do Mostů u Jablunkova,“ pogroził finalista Radim Urbaniec.
„Radim je silny grocz, trenujymy wroz. Nie było to dlo mnie lehki,” powiedzioł Krzysztof Martrynek, kiery wygroł 3:2 na sety.
Jesi sie mu podarzi wygrać aji za rok, puchar mu zostanie na stałe. „Dóma móm uż ze dwa, bo na Gródku żech wygroł uż wiyncej razy,” powiedzioł grocz, kiery kiejsi ping-pongym zarobioł na żywobyci w Nimiecku.
Wyniki – dzieci szkolne: 1. Adrian Walek, 2. Jakub Chyłek, 3. Andrzej Chyłek, 4. Dawid Heczko, 5. Dawid Pietrosz, 6. Dominik Walek, Vítězslav Wróbel, 8. Adam Kostelenec.
Nad 50 roków: 1. Peter Jurga, 2. Jozef Kantor, 3. Jan Chrapek, 4. Roman Pawlowski, 5. Pavel Maštalíř.
Główno kategoria: 1. Krzysztof Martynek, 2. Radim Urbaniec, 3. Jan Zvrtek, 4. Filip Jurga, 5. – 6. Marian Marosz, Samuel Byrtus, 7. – 8. Boleslav Buda, Marek Ligocki.
Komentáře
