MILIKÓW Rok uciyk jako woda a milikowscy aktorzy-amatorzy zaczynajóm intenzywne próby na nowe przedstawiyni, kiere napisoł sóm generalny Werku Jan Czudek.
„Do Wielkanoc mómy jeszcze 5 tydni, tak to jeszcze jakisi czas na nauczyni sztuki mómy. Na razie sie spotykómy dwa razy w tydniu, ale potym już muszymy prugować czynściyj,“ poinformowała reżyserka nowej sztuki Halina Wacławek.
Jako sie sztuka nazywo?
Wiym wszystko, czyli kurzyni szkodzi zdrowiu
A o czym je?
„Jako wdycki – z życia. Cało akcja sie to odegrowo na zastawce autobusowej, ale wiyncej już nie powiym. Premiera bedzie – jako wdycki – na Wielkanoc. Potym bedymy jeszcze grać trzi niedziele po sebie,“ dodała Wacławek.
Komentáře
