MILIKÓW PASIEKI Choć sie Gorolski Świynto zaczyno aż w pióntek, w Lasku Miejskim w Jabłónkowie sie uż robi na pełnego.
Dzisio tam rychtowała kable firma, kiero sie staro, coby wszecy dobrze słyszeli program.
Spotkali my w Lasku aj Władysława Dronga, kiery nóm pokozoł, jak pieknie se Koło PZKO z Milikowa-Pasiek posprawowało stoisko ze zadku, łod stróny Olzy. Robili to dwa dni.
Dzisio bedóm skludzać stoisko, jutro bedóm bajcować miynso a topić szpyrki. W pióntek napiekóm kołoczy a naszkrobióm ziymnioków na placki. W sobote zaroz rano bedóm piykli rojberke. „A o 11.30 jazda na Gorola,“ powiedzioł nóm Władysław Dróng.
A tak sie robi w każdym Kole PZKO u nas. A jak byście chcieli pumóc, tak jutro od rana bedóm chłopi z Koła PZKO w Jabłónkowie stawiać ławy a rychtować Lasek Miejski, coby sie ludzie mógli dobrze od pióntku do niedzieli bawić.
Komentáře
