WĘDRYNIA Jak sie stało już tradycjóm, aji we Wyndryni stawiali 30.4. maja przi Czytelni.
„Kiedysi sie u nas maj stawioł tradycyjnie, stawioł go Klub Młodych. Ale w ostatnich czasach wszeckich jakosi naganio, nimajóm fórt czas, tak sie maja nie stawiało. Było nóm to żol, tóż zarzónd postanowił, że te tradycje odnowimy. Maja my stawiali już w zeszłym roku. Wszyscy sie zgodzili i rozdzielili my zadania. Klub młodych mioł przigotować maja, my troche starsi im go pumógli postawić, klub kobiet przigotowoł zaplecze gastronomiczne a Klub seniora sie staroł o zabawe,“ zdradził jedyn z członków Bogdan Iwanuszek.
Chłapcziska se musieli domówić, jak zetnóm stróm na maja.
Potym to trzeba było odskurować.
Wykopać wielkóm….
….wielkucnóm dziure, coby sie maj nie zbuloł.
To je tak wszyndzi, jedyn robi, reszta sie dziwo, jako sie robi.
Dzieuchy przigotowały kolorowe bandle na ostrojyni maja.
Maja ostrojiły.
Ty placki sóm fakt fajne!!!
Aji sóm zastympca gminy Boguś Raszka prziszeł skontrolować, czy wszystko gro i śpiywo.
Tak idymy na to!
Hej, hop…
Wszycy sie dziwali, czy sie im to podarzi…
…prziszeł to wszystko skontrolować aji sóm fójt Wyndrynie Raimund Sikora.
Wyżyj, jeszcze kónsek….
Huraaaa, stoji, trzeba go zabezpieczyć, aby sie nie zbuloł!!!
Potym zaczło padać, wszyscy sie przesunyli do Czytelnie, kaj se zaśpiywali rozmajte pieśniczki.
Ale maja nie uwachowali i gdosi w nocy im maja zetnył.
Kapke byli smutni, ale nakóniec sie aji uradowali, bo jak bedóm bulać maja, tak to bedym mieć bez roboty jyny ze zabawóm. Bo tyn, kiery to zrobił, pieknie za sebóm poskludzoł, nie zsotawił za sebóm ani kapke marasu.
Komentáře
