Wiycie, co to sóm zoziyrki? Albo tako hebama? A co sie dzieckóm dowało, jak eszcze cumli nie było? Jak nie wiycie, to se posłóchnijcie. A jak wiycie, tak też posłóchnijcie, coby se stare czasy przipómnieć.
Jak sie dziecko urodziło, to mama nimógła opuszczać niemowloka aż do chrzcin, bo hań downi ludzie wierzili, że diabeł spróbuje go podmiynić na jakigosi podciepa.
Małego dziecioka mama kłodła do kolybki, kiero była zrobióno z lipowych desek.
Coby łodegnać złe moce, do kolybki pod pierzine mama dowała zieline.
Małe dziecka sie dzierżało w pierzince, w kierej był gynsi kwap. Cyszka kole głowy łozdobióno była korónkóm.
Jak eszcze cumlów po dziedzinach nie bywało, to sie dzieciokowi zrobiło płóciyny waczek z pocukrowanym chlebym, coby mioł co cyckać i nie beczoł.
O tym, jak było, łopowiadały dziecka na Konkursie Gwar „Po cieszyńsku po obu stronach Olzy”. Tych, co mówili nejlepi, możecie widzieć na koncercie finałowym 19 grudnia na Strzelnicy w Czeskim Cieszynie.
Halina
Komentáře
