MOSTY W ramach Przeglóndu Amatorskich Teatrów Gwarowych w Domu PZKO w Mostach koło Jabłonkowa zagroł w niedziele amatorskich zespół teatraly z Milikowa, kiery jeu nas na Zaolziu coroz wiyncej popularny. Do Mostów przijechoł ze sztukóm od Jana i Ireny Czudków „Flacha, czyli jak to hań downi bywało“.
Sala Kasowego była zapełnióno do ostatnigo miejsca, przijechali ludzie ni jyny z Mostów, ale aji z Olbrachcic, z Istebnej, z Bukowca, Piosku…Wszycy se chcieli przipomnieć, jak to hań downi było. Młodzi sie dziwili i pytali, czy to tak fakt było, że bez flaszki czy bómbóniery nie szło kupić kokos, mandle, orzechy, a dalsze rzeczy.
„Jo se fakt myśloł, że autor to kapke przeganio, ale reszta starszych aktorów potwierdziła, że na wszecko były frónty, miynso sie do sklepu dowożało roz za tydziyń, moc se to nie umiym przedstawić,“ powiedzioł Andrzej Mazur, jedyn z młodszych milikowskich aktorów.
„W Mostach radzi grómy, je tu fajne zaplecze, gospodarze sie o nas starajóm strasznie dobrze, je tu fajno publiczność, bo naszóm nejwiynkszóm zapałatóm je śmiych i oklaski ludzi na widowni,“ podsumowała wystymp swoich podopiecznych reżyserka Halina Wacławek.
Nim sie zacznie grać, trzeba kulisy zapakować na wózek….
…..przewiyźć na miejsce….
….na scynie poskryncać i poukłodać.
Powtórzyć tekst…
…prezes Andrzej Niedoba wszeckich pieknie prziwitoł….
…i mógło sie zacznyć.
Ludzie se całe dwie godziny, bo tak dłógi było przedstawiyni, śmioli.
„Było to fajne, super relaks na niedziele, je żech rod, że żech tu był. Fajno sztuka, fajni aktorzy, już sie radujymy na prziszły rok,“ podsumowoł jedyn z uczestników.
Komentáře
