MOSTY KOŁO JABŁÓNKOWA / Aj choć na polu wiater strómy łómoł jak zapałki, do Dómu PZKO Kasowy w Mostach prziszło tela ludzi, że aż stołków chybiało.
Isto to było tymu, że ludzie ni mieli w chałupach elektryki, nie grały im telewizory a nie było internetu.
A tyn, gdo prziszeł na przeglónd teatrów, kiere grajóm po naszymu, na sto procynt nie lutowoł.
Ludziska sie śmioli łod poczóntku do samego kóńca. Miyndzy przedstawiyniami grała kapela Górole.
Nejprzód wystómpili dómowi – zespół z Mostów, kiery prowadzi Elwira Zwyrtek, kiery zagroł sztuke „Jak kocura nima dóma“.
Potym sie ludzie mógli podziwać, jak silnóm wole majóm chłopi z Nowsio.
Zespół z Jasiynio wzión wszeckich na ceste dookoła świata. Opowiedzioł też bajke o Kopciuchu po naszymu.
Na kóniec zagrali Górole z Mostów proroczóm sztuke „Ćma jak w dupie“.
Komentáře
