REGION Bo u nas uż zajónczek był a był bogaty. A w Nowsiu był też. A tymu, że tam dziecka były szykowne, niechoł im na Rogowcu wielkucne wajco.
W niedziele wielkanocnóm szykownym dzieckóm zajónczek prziniósł wajca, kiere schowoł na zagrodzie. Dzieska z koszyczkami wajca chladały. Zwyczoj tyn prziszeł do nas z Niymiec.
Ważne je nónść wajco, ale nejwiynkszóm radość majóm dziecka z chladanio wszyckich czekuladek, zajónczków, kurków a baranków. Podarunki dostanóm jyny szykowne dziecka.
A jak widać z fotografii z Rogowca, na Nowsiu były dziecka szykowne jak aniołki. Wajco były tak ciynżki, że domordowany zajónczek go wywalił u cesty, bo uż go nimóg dosmyczić.
Komentáře
