JABŁONKÓW Wczora w Miejskim Lasku drugi dziyń trwało Gorolski Świynto. Ludzi, jak na to, że Gorol był w tym roku ganc inkszy, prziszło dość.
Wystympowały jyny nasze zespoły, bo ty ze zagranicy skrz sytuacji kowidowej nimógły przijechać, ni wszycki budy były odewrzite, bo tak do kóńca żodyn nie wiedzioł, jak to całe bedzie przebiegać. To ale żodnymu nie wadziło, głównie, że sie ludzie mógli spotkać, cosi wypić, zjeść, zaśpiywać i podziwiać tancerzy na scynie.
Zaolzioczek mioł jeszcze przed wystympym próbe.
Hónym trzeba naszkrobać ziymioków na stryki, bo wczora sie wszycko sprzedało. Szkrobaczke do rynki chycił aji sóm prezes Jasiynio Jarek Madzia. Szło mu to dobrze, było widać, że dóma trenuje.
Zawiónż se te maszle porzóndnie, aż dobrze wyglóndosz na scynie.
Gorola zagajił tradycyjnie Gorol z Melodią.
Prezes Jan Ryłko wszyckich przepieknie prziwitoł. Aji starosta Jabłonkowa Jiří Hamrozi sie radowoł, że Gorol je, i że móg wyluftować swój przepiekny jackowski strój.
Potym już wystympowały nasze zespoły folklorystyczne. Nejprzód ty z goralije.
Potym ty z dołów.
Ekipa reportersko odganio deszcz, przywołuje słóńce, dali rade, bo fakt….
…jak sie ludzie zaczli schodzać, zacznył program, to aji słóńce wyzdrziło spoza chmur, bo było zwiedawe, co sie tam bedzie robić.
Hura, po dwóch rokach zaś mogymy sprzedować w budzie.
To chce po półce na dobry poczóntek.
Paniczko, pyty, nie foćcie mie.
Na wszycko była raja, ale żodnymu to nie wadziło, wszycy byli wyśmioci.
-Móm nadzieje, że prziszły rok bedzie wszystko normalne, bedzie pochód i bedym móg jechać na normalnym kóniu – wierzi Adam Ryłko.
Komentáře
