Józef Sikora (Krajczok) z Milikowa: Jak móndry gorol dzielił łowce
Mioł roz stary gorol trzóch synów. Kiedy łumiyroł, zawołoł ich do siebie: – Móm całego majóntku siedym łowiec. Podzielcie sie nimi sprawiedliwie. Nejstarszy weźmie połowicym stada, średni połowicym tego co nejstarszy, a tyn nejmłodszy połowicym tego co średni.
Synowie sie chcieli jeszcze łojca spytać, jakóż ty łowce dzielić na połowicym, kiej ich je siedym, ale łojciec po roz ostatni wydechnył.
Po pogrzebie synowie musieli podzielić łojcowiznym. Rozmyślali, rozmyślali, ale sprawiedliwie tego zrobić nie umieli. A łowiec zabijać nie chcieli. I poszli do móndrego gorola. Pos tam na gróniu łowce.
Gorol rozmyśloł, a potym powiedzioł: – Prziżyńcie ty wasze łowce.
Synowie zrobili, jako chioł móndry gorol.
– Aby sie nóm ty łowce dobrze dzieliło, tak wóm pojczóm jednej moji. Teraz tyn nejstarszy weźmie sztyry łowce, tyn średni połowicym co tyn nejstarszy, tak dwie, tyn nejmłodszy połowicym co średni, tak jednóm. A ta jedna je moja, tóż se jóm zaś bierym.
I tak móndry gorol podzielił sprawiedliwie łojcowiznym pomiyndzy trzóch braci.
Vyprávění z knihy Śląskie opowieści ludowe Józefa Ondrusze (nakladatelství Wydawnictwo Okręgowe, Ostrava, 1963, I. vydání).
O autorovi publikace: Józef Ondrusz (1918 Darkov-1996 Stonava) byl učitelem, spisovatelem, kulturním expertem, etnografem, redaktorem a bibliofilem. Je autorem nebo spoluautorem 17 učebnic pro polské základní školy. Byl rovněž sběratelem živých lidových textů z celého našeho regionu (od Bohumína po Mosty u Jablunkova) – více jak 120 z nich najdeme právě ve zmíněné výše publikaci Śląskie opowieści ludowe.
Komentáře
