Jako jedyn ksióndz pił
Jedyn ksióndz łokropnie pił. Katolicki. Ale wszecko mioł w porzóndku. Nó i tu łobgwarzowali go i rozeszło sie to wszyndy. Wiycie, jacy ludzie piyrwi byli pobożni? Maciczko Bożo! To nie śmioł żodyn gymby łodewrzyć. Ale tak to szło, aż to prziszło do biskupa. A łod biskupa do Świyntego łOjca. A łun biskupowi naporyncził: „Jidź a łuwidzisz. Na ludzki łobmowy nie zważej, a sóm to zbadej”. I łun szeł.
A kościelny choć sie robił, że nie czuje, ale czuł wszecko. A zrobili to tak, aby tyn ksióndz tam nie był, jak przijadzie tyn biskup. A tyn kościelny wio ku ksiyndzowi, a ksióndz mu pado: „Ty, wiysz co, zóńdź mi po dwa litry gorzołki”. – „Jezusmaryja, co se myślicie?! Na dy dzisio biskup prze to przijechoł, prze was, że pijecie. Bejecie mieć kozani”. – „E, to mi nic nie szkodzi, jyny dwa litry gorzołki musim tu mieć. Jidź!” Kościelny łuż kany móg łobchodził, aż dopod tej gorzołki, prziniós. Tyn duszkym liter wypił. Wiycie, to ani krowa, ani kóń. A mioł mieć kozani a mszóm świyntóm. Ale nie wiedzieli, co mo wypite.
No i dobre.
Jidóm. Tóż łuż tam nejpiyrwi kozani. I wyszeł, i wdycki dowali kartkym.
To jo eszcze pamiyncym. Ale kiejsi do tej beczki, jako to powiadali, dowali kartkym, ło czim mo mieć kozani. I kościelny mu wyniós tóm kartkym, i podoł. I łun sie dziwo, prózne, tu też prózne. – „Pan Bóg stworził świat z niczego”. A zrobił taki kozani, aż biskup u łołtorza siedzioł a płakoł. A potym jak sie skóńcziło i mszóm świyntóm zrobił, padoł: „Niech pije, kiela chce. Dejcie mu pokuj, ale naukym robi dobróm”.
O autorce vyprávění: Anna Chybidziurowa se narodila v Bukovci na sklonku panování císaře Františka Josefa I., 26. července 1898 ve dvoru u Wocławků (Wocławky). Rovněž její rodiče pocházeli z Bukovce, otec z osady Malinky, matka Marie rozená Ćmielová z Markova. Její vypravěčské nadání obdivovali všichni od Hrčavy po Bukovec.
Děkujeme autorovi publikace Karolowi Danielowi Kadłubcovi a vydavateli – spolku Ducatus Teschinensis – za souhlas s publikováním na našem portálu vybraných povídek z knihy Opowiado Anna Chybidziurowa. Publikaci (již II. vydání) lze zakoupit v regionálních knihkupectvích.
Komentáře
