BYSTRZYCA Baluje teraz całe Zaolzi, tóż ni ma sie co dziwić, że w Bystrzicy też balowali. Konkretnie człónkowie i sympatycy bystrzickigo MK PZKO, w sobote, w Dómu PZKO. O program sie postaroł Zespół folklorystyczny Bystrzyca i para taneczno Joanna Škňouřil i Martin Hlavička.
Przed każdym balym trza sie przigotować. Jak sie babki w dómu malowały, to zespół Bystrzyca mioł próbe.
W kuchyni przed balym też było co robić.
A potym to trza uż było gości balowych witać.
Zespół Bystrzyca sie ścignył przewlyc i z pełnóm paradóm rozpocznył bal.
Potym był oczywiście polonez, kiery se zatańczyli aji główni organizatorzi balu Grażyna Roszka ze swoim chłopym.
W miyndzy czasie, jak partyja balowała, to tanecznicy z Bystrzyce sie jeszcze roz przewlykli i po drugi dlo wszeckich zatańcowali.
A potym to se wszyscy isto powiedzieli, że tańcować nie umióm…
bo na parkiecie to w rytmie latino roztoczyli reprezentaci naszej republiki do 21 roków Joanna Škňouřil i Martin Hlavička, kierzi niedowno tańcowali w Chinach na mistrzostwach świata.
Jak by gdo nie wiedzioł, po kim młodo Škňouřilowa mo taki talent – tóż po mamie (prezesce bystrzickigo MK PZKO) i tacie.
Potym, jak sie zrobiło romantycznie nie jyny na parkiecie,…
ale aji w inkszych zakóntkach Dómu PZKO…
gospodarze balu zarzóndzili dopływ adrenaliny czyli tombole.
Gdo nie wygroł, zaszeł se na półke.
Fotek z balu mómy kupa, tóż sie podziwejcie.
Komentáře
