DOLNA ŁOMNA Poradzi se gdo przedstawić Niedziele Wielkanocnóm bez wieczorku? W Łómnej isto żodyn. Tyn dziyń uż kupa roków patrzi teatru amatorskimu w wykonaniu członków miejscowego Koła PZKO.
Latoś był reżyserym prezes łómniańskigo Koła Bogdan Mruzek. Dlo licznie zebranych miłośników amatorskigo teatru gwarowego w hotelu „Pod Akacjami” zagrali dwie sztuki.
Piyrszóm była jednoaktówka „Mącicielka” od Adama Wawrosza. Grali: Janka Borska (żóna), Adam Kolasa (małżónek), Halina Filipkowa (nieznajómo).
Przerwy umiliła gorolsko kapela Bukóń.
Z deszcza pod rynnym od Władysława Młynka – ta sztuka nigdy żodnego nie rozczaruje.
Tania Marszałek grała matke,
Zdenek Mruzek – ojca,
Natalia Sikora – Jewke
a Jakub Pavlina – Janka.
Ludziska sie śmioli do rozpuku. Wszecy aktorzy zagrali na jedynke,
ale Zdenek Mruzek, tyn na jedynke z trzóma gwiozdkami.
Niedowno mioł 60. roków, tak mu wszecy pogratulowali a zaśpiywali Sto lat!
A potym mu dali „hobla.”
Jubilatowi powiynszowała aji pani wójt Renata Pavlinova
a potym aji wszecy koledzy a aji widzowie. Pan Zdenek każdymu naloł półke śliwowice albo miodule.
Pezetkaowcy grali dlo Łómnianów, dlo gości z inszych dziedzin a głównie dlo państwa Sikorów (Krawców) z Nowiny, kierym w zimie zgorzała stodoła u chałupy. Krawcóm pezetkaowcy ofiarowali to, co wybrali na dobrowolnym wstympnym.
We wrześniu by my chcieli nasze przedstawiyni zagrać sómsiadóm w Bocónowicach – zapowiedzioł Bogdan Mruzek.
Komentáře
