JABŁÓNKÓW O trzeci po połedniu zaczón po Jabłónkowie jeździć wóz z kapelóm, kiero szumnie wygrowała. Po tradycyjnej witaczce piyrszich gości w Lasku Miejskim prziwitoł prezes jabłónkowskigo Koła PZKO Jan Ryłko, kierymu burmistrz Jiří Hamrozi na trzi dni pojczoł klucze od bram miasta. 71. Gorolski Świynto je zagajóne!
W jabłónkowskim Domu PZKO w ramach Gorolskigo Świynta sie odbyło seminarium historyczne pod tytułym Nie jyny z naszi dzichty, kierego głównym tematym była tradycyjno kultura ludowo Huculszczyzny.
Uż teraz możecie oglóndać w Lasku Miejskim wystawe plenerowóm Cieszyn 2018, w Domu PZKO sie od pół siódmej odbedzie Kawiarenka pod Pegazem poświyncóno twórczości pomysłodawcy „Gorola” Karola Piegzy.
A co dzisio możecie uwidzieć a usłyszeć w Lasku Miejskim?
W bloku programowym pt. Pójcie haw gazdowie wystympujóm mali artyści od nas aji kapele dzieciynce a młodzieżowe z zagranicy – Gróniczek, Anežka i Lucka Jakubík, Melodyjka, Julia Nowak, Rozmarynek, Natalia Gazur, Nowina a Ciobanasul din Radauti (Rumunia).
Patnost minut po szóstej zespół z Macedonie zaprezentuje Ludowy rok obrzędowy a po 21.00 godzinie Ludowy rok obrzędowy pokoże turecki zespół z Ankary.
W miyndzyczasie w bloku programowym Był tu jedyn gajdosziczek zagrajóm Trombitáši ze Słowiok, kapela Nowina a aji kapele zagranicznych zespołów z Macedonie, Turcji i Ukrainy.
A kómu by sie to zdało mało, może se o dziesióntej wieczór zaholofić z muzykantami przi watrze, jak bedzie tradycyjno Muzykula.
Komentáře
